ШТО Е ЧУМА КАЈ МАЛИТЕ ПРЕЖИВАРИ?
Чумата кај малите преживари е сериозно, високо заразно вирусно заболувањe што ги погодува овците и козите и може да доведe до висока смртност.
НЕМА ЛЕК ЗА ЧУМА КАЈ МАЛИТЕ ПРЕЖИВАРИ!
Доколку се појави, оваа болест може да предизвика значителни економски загуби за фармерите поради високата смртност кај животните, намалено производство на млеко, слаб квалитет на кожите и волната како и да доведе до трговски ограничувања или забрани.
НАЧИН НА ПРЕНОС И ШИРЕЊЕ
Најважни начини на пренос:
• Директен и близок контакт со заразените животни.
• Вдишување на честички што се ослободуваат во воздухот кога заразените животни кашлаат и киваат.
• Индиректен пренос преку вода, храна или постела, контаминирана со солзи, назален секрет, кашлање и измет на заразени животни.
КОИ СЕ КЛИНИЧНИТЕ ЗНАЦИ КАЈ ОВАА БОЛЕСТ?
КАКО МОЖЕТЕ ДА ГИ ЗАШТИТИТЕ СВОИТЕ ЖИВОТНИ?
Во зависност имунолошки статус на заразеното животно, неговата раса и возраст, клиничките знаци може да се движат од благи до тешки.
• Висока температура, треска.
• Губење апетит и слабост.
• Рани и отоци во устата.
• Ранички во устата, образите и јазикот.
• Бистар до жолт секрет од носот, исцедок од очите.
• Дијареа, дехидрација и губење тежина.
• Отежнато дишење (пневмонија).
• Абортуси.
• Смрт во рок од 5-10 дена.
Примената на ветеринарното законодавство и споведувањето на биосигурносни мерки, идентификацијата и регистрацијата на животните заедно со контролата на движењето се најсигурни начини за спречување на појава на вирусот на чума кај вашите овци и кози.
• Купувајте животни само од регистрирани и одобрени извори со валидни здравствени сертификати со кои се потврдува здравствената состојба и потеклото на животните.
• Животните потребно е да бидат обележани со ушни маркици. Почитувајте ги правилата за идентификација и регистрација на животните од вашата фарма.
• Почитувајте ги и спроведувајте ги строгите биосигурносни мерки.
• Одржувајте добра хигиена со редовно чистење и дезинфекција на фармата и опремата.
• Користете само своја опрема на вашата фарма.
• Избегнувајте контакт на вашите животни со други животни.
• Ограничете го пристапот на посетители и возила во фармата.