ШТО СЕ ЛИГАВКА И ШАП?
Лигавка и шап е многу заразна вирусна болест кај говедата, свињите, овците, козите и другите чипункари, вклучувајќи ги и дивите животни.
ИТНОТО ПРИЈАВУВАЊЕ Е КЛУЧНО!
Доколку болеста лигавка и шап се појави во една земја, таа може да предизвика катастрофални економски последици, огромни штети за сточарството и долгорочни ограничувања за извоз.
НАЧИН НА ПРЕНОС И ШИРЕЊЕ
• Животните можат да се инфицираат преку директен контакт со заразени животни или индиректно преку вдишување на контаминиран воздух, преку контаминирана храна или кујнски отпад (кај свињите), или преку контакт со вирусот од контаминирани опрема, предмети, возила.
• Болеста вообичаено се шири со движење на заразени животни, возила и опрема, дури и преку ветер.
• Инфекцијата може да се пренесе и преку повреди на кожата, контаминирани инструменти или преку вештачко оплодување.
Првиот и најважен чекор е веднаш, без одлагање да ја пријавите секоја промена во здравствената состојба на вашите животни кај вашиот ветеринар.
Раното откривање и пријава ќе помогнат во спречување на понатамошно ширење на болеста, ќе спасат многу животни и ќе овозможат поефикасна контрола.
КОИ СЕ КЛИНИЧКИТЕ ЗНАЦИ НА ОВАА БОЛЕСТ?
КАКО МОЖЕТЕ ДА ГИ ЗАШТИТИТЕ ВАШИТЕ ЖИВОТНИ?
Болеста се манифестира со јасно изразени клинички знаци и намалено производство на млеко. Карактеристично е појавување на везикули (меурчиња исполнети со течност), кои по нивното пукнување се претвораат во рани на устата, носот, вимето и чапунките. Иако не е опасна по животот кај возрасните животни, болеста може да биде смртоносна кај младите животни.
Типични клинички знаци на лигавка и шап вклучуваат:
• Висока температура.
• Губење апетит.
• Намалено производство на млеко.
• Појава на везикули на устата и/или чапунките.
• Меурите често се појавуваат и на вимето и боските.
• По пукање на меурите, се појавуаат ерозии и рани во рок од 24 часа.
• Смрт кај младите единки, без очигледни клинички знаци.
• Почитувајте и спроведувајте строги биосигурносни мерки.
• Купувајте животни само од регистрирани одгледувалишта и собирни центри, со соодветен здравствен сертификат.
• Почитувајте ги правилата за идентификација и регистрација на животните на вашата фарма како и за контролата на движењето.
• Одржувајте висока хигиена со редовно чистење и дезинфекција на фармата и опремата.
• Користете исклучиво своја опрема на вашата фарма.
• Спречете контакти на вашите животни со други животни.
• Ограничете го пристапот на посетители и возила до вашите животни.
• Не ги хранете вашите свињи со кујнски отпад! Забрането е! Ова претставува висок ризик од внес на болести и е важен начин за ширење на инфекцијата.
• Редовно извршувајте здравствени прегледи на вашите животни. Превентивните прегледи и раното откривање на болести ќе помогнат за навремено лекување и заштита на вашите животни од инфекции.